Monday, March 30, 2009

Are Korina Sanchez and Sen. Mar Roxas Getting Ready For Married Bliss?

Are Korina Sanchez and Sen. Mar Roxas Getting Ready For Married Bliss?
ABS-CBN Showbuzz Feature
Bernie Franco
March 29, 2009


Sa isang madalang na pagkakataon ay nasaksihang very sweet sina Korina Sanchez at Sen. Mar Roxas nang mag-out-of-town sila sa Capiz. Sakay ng isang scooter, maraming nakasaksi sa paglilibot ng dalawa sa probinsya noong dumayo sila roon para sa Western Visayas Sports Fest kamakailan. Ayon sa The Buzz kahapon (Marso 29), marami umano ang natuwa nang makitang naka-motor ang dalawa na sobrang sweet. "Naku hobby ‘yan ni Mr. Palengke (Sen. Roxas), umangkas lang ako talaga. Nakakatawa nga e, para kaming mga bata, habang lumiligid-ligid kaming naka-scooter do’n sa Capiz pakaway-kaway," paliwanag ni Korina. Naging makahulugan din ang sagot ni Korina nang tanungin siya kung malapit na ba silang magpakasal ng senador. “Ang kasagutan d’yan ay malalaman sa lalong madaling panahon.”

Samantala, sinabi ni Ruffa Gutierrez sa Points, Opinions and Violent reactions (POV) portion ng The Buzz na limang taon na umanong mag-kasintahan ang dalawa. Handa umanong ikutin ni Korina ang Pilipinas upang tulungang mangampanya si Sen. Mar kung sakali mang mag-ambisyon itong tumakbo ng mas mataas na posisyon. Tuwang-tuwa naman ang host na si Kris Aquino sa dalawa. Naging co-host ni Korina si Kris dati sa Morning Girls with Kris and Korina noong 2002 hangang 2004. “You can really tell the mutual support (between them),” paliwanag ni Kris. “You can feel that she is so proud of him and he is so respectful of her.” Sinabi naman ni Boy Abunda na kitang-kita sa kanilang dalawa na nage-enjoy ang sila sa tuwing magkasama.

Patunay lamang daw ito kung gaano ka-committed si Korina sa harap man o likod ang camera.

0 Comments:

Post a Comment

<< Home